दास नवमी निमित्त पाठांतर स्पर्धा

दासनवमी निमित्त मनाचे श्लोक आणि दासबोध निवडक ओव्यांची शालेय पाठांतर स्पर्धा तसेच मोठ्यांसाठी वक्तृत्व स्पर्धेचे आयोजन या वर्षीही करण्यात येत आहे. गेली अनेक वर्षे हा उपक्रम दादर आणि बोरीवली येथील अनेक शाळातून राबविण्यात येतो. त्याला उत्तम प्रतिसादही मिळतो.

३ गटात ही स्पर्धा घेण्यात येते. १ली ते ४थी साठी ५ मनाचे श्लोक आणि ५वी ते ७ वी आणि ८वी ते १० वी या गटासाठी दासबोधातील निवडक १० ओव्या पाठांतरासाठी दिल्या जातात. दोन्ही केंद्रावर प्रत्येकी सुमारे ४५० विद्यार्थ्यांचा सहभाग आणि स्थानिक समर्थ भक्तांचे सहकार्य हे या स्पर्धेचे वैशिष्ठय आहे.

समर्थ विचारांचा प्रचार आणि प्रसार करणे आणि विद्यार्थ्यांना पाठांतराची आवड निर्माण करणे हेच मुख्य उद्देश ठेवून संस्था ही स्पर्धा घेत असते.

Leave a Reply